Sunday, April 3, 2011

പ്രണയം പറയാതെ പോകരുത് ...

മൌനത്തിന്‍റെ കരിംതോടിനടിയില്‍
ഇണ ചേര്‍ന്നിരുന്ന   നൊമ്പരം  
സങ്കടങ്ങളുടെ ശൈത്യശിലകളില്‍
മുളപൊട്ടിയ മാധവം

വാക്കുകളുടെ വിസമ്മതത്തില്‍
പുറം കാണാത്ത നേരുകള്‍  
ആശങ്കയുടെ വലക്കണ്ണികളില്‍   
ഉറഞ്ഞുപോയ  കിനാവുകള്‍


കരള്‍   മുഴുവനും    കനല്‍  പെരുക്കിയ
കനവു കൊണ്ടെന്‍റെ   മനം നിറഞ്ഞപ്പോള്‍
തുടക്കം  കിട്ടാതെ  മറച്ചു  വച്ചൊരെന്‍
ഹൃദയ താളത്തിന്‍ തുടിപ്പറിയുന്നേന്‍

ഭ്രമണം    ഒത്തിരി    കഴിഞ്ഞുവെങ്കിലും   
പടം   പോഴിഞ്ഞോരെന്‍    ശിഥില   ചിന്തയില്‍   
അരങ്ങു  കാണാത്ത   പ്രണയ  തെയ്യങ്ങള്‍  
ഇരമ്പിയെത്തുന്നു  കരുതി  വയ്ക്കുവാന്‍  

ജര   പിടിച്ചാലും   നര  പടര്‍ന്നാലും 
മനസ്സില്‍   പൂക്കുന്ന  വസന്ത  കാലങ്ങള്‍
ഇരുള് മൂടുന്ന ഗഗന പര്‍വ്വത്തില്‍
എരിഞ്ഞു തീരാത്ത പ്രണയ ചിന്തകള്‍
മനം കുളിര്‍ക്കുന്ന നിറവും നല്‍കുന്നു
മിഴി നിറയ്ക്കുന്ന സുഖവും നല്‍കുന്നു


അതിനാല്‍   പ്രണയം  പറയാതെ   പോകരുത് ...
അങ്ങനെ    പ്രണയം  അറിയാതെ    പോകരുത്



                                                              വീജ്യോട്സ്  










2 comments:

  1. പ്രണയം അറിയാതെ പോകരുത്

    ReplyDelete
  2. ഒറ്റയ്ക്കാകിലും കൂട്ടായി
    എത്തിടും പ്രണയം

    ReplyDelete

മനസ്സു തുറക്കൂ ... മടി കൂടാതെ